Wala sa gihapon makuha ang mga tamburong kag gintampok nga duta nga nagaserbi craneway sa creek sa Brgy. Rizal Lapaz, Iloilo City.
Ini ang may kaangtanan sa ginareklamo sang mga pumuluyo sa lugar bangud sa kahangawa nga magtuga sang pagbaha ang pagtampok sang contractor bangud mahimo nga indi makailig ang tubig nga halin sa mga kabalayan kag mga imburnal pakadto sa suba ilabi na subong nga nagaulan-ulan.
Matandaan nga ginpahayag sadto ni Engr. Rodney Gustilo nga ila lang amat-amaton ang pagkuha sang craneway tubtub nga matapos ang footbridge nga maga-angot sa Esplanade 1 Extension.
Gin-ako man ni Gustilo nga mabudlay ang pagkuha sang craneway bangud sa pila ka mga rason kaangay sang illegal settlers sa Brgy. Rizal, Lapaz.
