ILOILO CITY- Napasakaan na sang kaso nga attempted murder ang isa ka lalaki sa New York,USA matapos gintiro ang isa ka crew sa McDonald’s bangud nga ginserbehan sini ang iloy sang suspek sang bugnaw nga french fries.
Ang suspek amo si Michael Morgan, 20, kag ang biktima amo ang 23-anyos nga McDonald’s employee sa Brooklyn.
Yara sa kritikal nga kondisyon sa ospital ang biktima.
Nag-ugat ang insidente sang nagbaisay ang 40-anyos nga babaye kag ang biktima nga gin-akusahan niya nga naghatag sang cold fries.
Sunod nga nag-video call ang babaye sa iya anak nga si Morgan nga gilayon nga nagpadulong sa fast-food chain kag nagbaisay sila sang empleyado tubtob natabo ang pagpangluthang.
Preso na ang suspek nga madamo naman sang rekord sang nagkalain-lain nga krimen.
