ILOILO CITY – Sa ikapito nga tion, nakuha sang Creamline Cool Smashers ang championship crown sa Premier Volleyball League.
Ini matapos nga nalutos sang team ang sister team nga Choco Mucho sa atubang sang record-breaking crowd sa Araneta Coliseum, 22-25, 25-20, 29-27, 24-26, 15-12.
Ini na ang ikalima man nila nga All-Filipino crown.
Ang Cool Smashers ang undefeated sa ila 15-game run sa 2023 Second All-Filipino tourney, nga repeat sang ila nga 20-game sweep sa 2019 Open Conference.
Nakuha naman ni Choco Mucho star Sisi Rondina ang Most Valuable Player title sa conference samtang si Tots Carlos naman ang Finals Most Valuable Player.
Samtang, nakuha naman ni Eya Laure sang Chery Tigo kag Jema Galanza sang Creamline ang Best Open Hitters sang liga.
Nakuha man ni Michele Gumabao sang Creamline ang Best Opposite Spiker.
Si Jeanette Panaga naman sang Creamline kag si Ria Meneses sang Cignal HD ang ginkilala nga Best Middle Blockers sang tournament.
Si Gel Cayuna sang Cignal HD ang Best Setter, samtang si Thang Ponce sang Choco Mucho ang Best Libero.
