ILOILO CITY–Ipaidalom sa autopsy examination ang bangkay sang criminology graduate nga may nervous breakdown matapos nalumos sa reservior sa Brgy. Malayuan, Ajuy, Iloilo.
Ang biktima amo si Niel Hervas, 24 anyos kag tumandok sang Brgy. Adcadarao, Ajuy, Iloilo.
Sa exclusive interview sang Bombo Radyo kay Punong Barangay Noel Detosil sang nasambit nga lugar, ginpahayag sini nga luyag sang pamilya ni Hervas hibaluon kun may foul play sa katayon sang biktima.
Ini matapos nga nakit-an ang pilas sa agtang sang biktima sang nasapwan nga nagalutaw sa reservior.
Ginapahayag nga nag-inom ang biktima kaupod ang pakaisa kag schoolmate nga si Paul Damires sa Creekside Resort.
Sa ulihi, naglakat na pauli ang iya pakasisa kag ang nabilin lang amo si Damires.
Hinali lang nga ginkibot ni Damires si Hervas pinaagi sa paglampos sa lamesa nga ila gina imnan.
Diri kag nagdalagan si Hervas kag naglumpat sa reservior kag nalumos.