ILOILO CITY – Nadakpan ang isa ka Crimonology student sa ginpatigayon nga buy bust operation sa Barangay Desamparados, Jaro, Iloilo City.
Si Albert Ladrido, 21, ang third year Criminology student sa St. Therese College sa La Paz, Iloilo City.
Sa interview sang Bombo Radyo Iloilo, ginpahayag ni S/Insp. Tranquilino Querubin, hepe sang Jaro Police Station, madugay na nga naangot sa iligal nga droga si Ladrido kun sa diin namonitor ini nga nagatinir sa Barangay Desamparados, Jaro kun sa diin nagapuyo ang iya live-in partner.
suno kay Querubin, nabudlayan sila nga magmonitor kay Ladrido bangud nagasaylo-saylo ini sang lugar.
Narekober sa subject ang isa ka sachet sang shabu kag P3,000 nga buy bust money.