Patay ang isa ka Criminology student samtang pilason naman ang iya utod matapos nahulog sa pil-as ang ginasakyan nila nga motorsiklo sa Bontoc, Mountain Province.
Ang napatay am si Janel Balac Palacio, samtang ang pilason nga utod amo si Jeryx Kian Balac Palacio.
Ang mag-utod ang lunsay residente sang Barangay Dalimuno, Bantay, Tabuk City, Kalinga.
Base sa imbestigasyon sang Bontoc Municipal Police Station, ginamanehi ni Jeryx ang motorsiklo halin sa Barangay Bontoc III pakadto sa Barangay Alab Oriente sang naglapaw ini kurbadahon nga parte sang karsada.
Bangud sini, nahulog ang motorsiklo sa pil-as.
Nakit-an si Janel nga naipit sa tunga sang mga puno sang kawayan nga lima ka metros ang kadalumon halin sa karsada.
Gindala pa ini sa ospital apang gindeklarar nga dead on arrival.
Padayon naman nga ginabulong sa ospital ang iya utod.
