Nag-develop na ang Tropical Depression Crising sa Tropical Storm samtang yara gihapon sa Philippine Area of Responsibility (PAR).
Gina-forecast nga magapadayon ini sa pagbaskog kag magatupa sa Severe Tropical Storm category sa buwas sang aga ukon sa hapon.
Ulihi nga nakit-an ang sentro sini sa 335 km nasidlangan sang Echague, Isabela ukon 325 km nasidlangan sang Tuguegarao City, Cagayan.
Dala sini ang kabaskugon sang hangin nga 65 km/h malapit sa sentro kag pagmadlos nga tubtub sa 80 km/h.
Ginpasaka naman sa Signal Number 2 ang masunod nga mga lugar sa Luzon: Batanes, Cagayan lakip ang Babuyan Islands, ang northern kag eastern portions sang Isabela, Apayao, ang northern portion sang Kalinga, ang northern portion sang Abra, Ilocos Norte, kag ang northern portion sang Ilocos Sur.
Yari naman ang mga areas sa Luzon nga nagapabilin sa Signal Number 1: Nabilin nga bahin sang Isabela, Quirino, Nueva Vizcaya, nabilin nga bahin sang Kalinga, Mountain Province, Ifugao, nabilin nga bahin sang Abra, Benguet, nabilin nga bahin sang Ilocos Sur, La Union, ang northern portion sang Pangasinan, ang northern portion sang Aurora, ang northeastern portion sang Nueva Ecija, Polillo Islands, Camarines Norte, Catanduanes, kag ang northeastern portion sang Camarines Sur.
Sa forecast track sang DOST-PAGASA, matabo ang landfall scenario sa mainland Cagayan ukon Babuyan Islands karon sa hapon ukon sa gab-i.
Mahimo magguwa ang bagyo sa PAR sa buwas sang hapon, dugang pa sang state weather bureau.#
