ILOILO CITY- Hugot nga ginapatuman sang Crisis Intervention Unit, ang pagmonitor, kag pagsekyar sang mga kabataan nga ila pagatatapon.
Sa interview sang Bombo Radyo kay Carmela Trabasas, Officer-in-Charge sang Crisis Intervention Unit, iya ginpahayag nga ang mga kabataan ang ipaidalom sa medical screening ukon check up, agud masigurado nga wala ang mga ini na-infect sang Coronavirus disease 2019, kag ginasekyar pa sang barangay kun bala wala na gidman sang gikinan ang mga kabataan.
Suno kay Trabasas, kun may ginikanan pa ang mga kabataan, ila ini ginapakig-angot sa barangay agud mahibaluan kun bala naglayas lang ini kag kun mahimo pa makay-o ang sitwasyon.
Pahayag pa niya, bilang kabahin sang ila preventive measures, ang house parent ukon ang naga-atipan sa siyam ka mga kabataan nga yara subong sa ila pag-inakop, ang ginadisinfect antes magsulod.
Dugang pa sang natungdan, hugot man nga ginbawal sa subong nga panahon sang pandemya ang pagbatun sang bisita nga luyag magkadto sa mga kabataan.
