Nakahimo sang panibag-o nga maragtas ang Portuguese football star nga si Cristiano Ronaldo bilang labing-una nga tawo nga nakaangkon sang one billion followers sa social media.
Si CR7 ang most-followed individual sa Instagram nga may 638 million followers nga nadugangan pa sang 170 million followers sa Facebook, masobra 110 million followers sa X (formerly Twitter), kag mangin sa Chinese social media sites nga Weibo kag Kuaishou.
Nalab-ot niya ang one billion mark matapos ginlunsar ang kaugalingon nga YouTube channel sang nagligad nga bulan nga, as of posting time, may yara na sang masobra 60-million subscribers.
Ginselebrar sang highly-decorated football star ini nga kadalag-an paagi sa pag-share sang card sa iya social media platforms nga nagatawag sa iya achievement bilang “testament to our shared passion, drive, and love for the game and beyond.”
“From the streets of Madeira to the biggest stages in the world, I’ve always played for my family and for you, and now 1 billion of us stand together,” pahayag sini. “You’ve been with me every step of the way, through all the highs and the lows. This journey is our journey, and together, we’ve shown that there are no limits to what we can achieve.”
Nagahampang subong si Ronaldo sa club nga Al-Nassr sa Saudi Arabian league. Sang damlag lang, nangin kaundan man siya sang balita sang naka-skor siya sang iya ika-900 nga career goal bilang captain sang Portugal sa hampang batok sa Croatia.
Sa pitch, kilala si Ronaldo sa iya long-time rivalry sa world champion, Argentine superstar, kag eight-time Ballon d’Or winner nga si Lionel Messi. Apang kun sa social media contest ang hambalan, may yara pa lamang sang 623 million followers ang South American football great.
Indi lamang limitado sa sports ang paghari ni Ronaldo sa social media bangud mas madamo ang iya followers mangin kanday Justin Bieber, Taylor Swift kag Selena Gomez kag mangin sa content creator nga si MrBeast nga amo top YouTuber sa kalibutan nga may 543m total followers.
Nahibaluan nga ang Portuguese star amo man ang nagapanguna sa latest list sang Forbes sa best paid athletes nga may total earnings nga $260 million.#
