ILOILO CITY – Nakuha sang Croatia ang ikatatlo nga pwesto sa 2022 FIFA World Cup matapos nga ginlutos ang Morocco sa skor nga 2-1.
Ginsuguran ni Josko Gvardiol ang kadalag-an sang Croatia sa 7th minute sang hampang sa Khalifa International Stadium.
Apang, gilayon man nga nagbalos ang Morocco.
Matapos ang duha ka minutos, nag-score man si Achraf Dari gani napatas sang Morocco ang hampang sa 1-1.
Ginsigurado na ni Mislav Oršić ang kadalag-an sang Croatia pinaagi sa iya goal sa ika-42 nga minuto sang hampang.
Sa bilog nga second half, wala na nagdugang pa ang scoring gani nagtakop sa 2-1 ang hampang, pabor sa Croatia.
Sang 2018, ang Croatia ang nakasumpong sang defending champion nga France sa finals sang World Cup.
Ang Morocco amo ang una nga African country nga nakasulod sa semi-finals.
