ILOILO CITY – Ginaduso sang Punong Barangay sang Tacas, Jaro, Iloilo City nga pahamtangan sang stoplight ang crossing sa nasambit nga lugar.
Sa Good Morning Philippines program, ginpahayag ni Punong Barangay Joseph Poral nga madamo sang mga aksidente nga nagakatabo sa ila barangay ilabi na sa crossing padulong sa banwa sang Pavia.
Suno kay Poral, halos tagsa ka bulan, may yara gid sang nagakatabo nga aksidente bangud nga wala sang may nagamando ukon nagabantay sa dalagan sang trapiko.
Ginpahayag ni Poral nga magluwas sa masami nga vehicular accident, problema man sa ila lugar ang nagadamu nga basura bangud nga ang mga naga-istar sa kaiping nga barangay ang nagahaboy sa ila Material Recovery Facility nga nahamtang malapit sa iya balay.
Isa sa ginatinguhaan sang Punong Barangay amo ang pagpatukod sang Material Recovery Facility kun sa diin ang mga pumuluyo lang sang Barangay Tacas ang mahimo nga makahaboy.
Kasubong sa iban nga lugar, ginpahayag sang natungdan nga nalakip man ang isyu tuhoy sa obstruction, backyard slaughter, mga talipapa, balati-an nga Dengue Hemorrhagic Fever kag layaw nga ido.
