ILOILO CITY – May yara sang gahum ang Local Chief Executive sa paghatag sang penalty ukon pagpahalin sa serbisyo sa isa ka government employee.
Ini ang pahayag ni Civil Service Commission Region 6 Director Nelson Sarmiento may kaangtanan sa dimissal order nga ginhatag ni Iloilo City Mayor Jerry Treñas batok kay Joe Mari Esteral bangud sa Gross Insubordination, Grave Misconduct kag Gross Neglect of Duty.
Sa interview sang Bombo Radyo kay Sarmiento, iya ginpahayag nga wala sang kahilabtanan ang Civil Service Commission sa dimissal order ni Esteral.
Suno kay Sarmiento, may yara pa sang pending appeal si Esteral kag nakadepende na sa Court of Appeals kun ano ang malab-utan sang kaso sang nasambit nga government employee.
Ginpahayag ni Sarmiento nga ang tagsa ka Local Chief Executive ang may yara gid sang kinamatarong sa paghatag sang dimissal ukon ano man nga sahi sang penalty bilang appointing kag disciplinary authority.
Nahibalu-an nga si Esteral ang naangot bilang bagman ni Mr. Juncae Manikan, pinuno sang Local Civil Registry, tuhoy sa ginapahayag 180 ka peke nga kasal.
