Ginalantaw sang Iloilo City Social Welfare and Development Office (CSWDO) nga isa ka dynamic nga maubra sang isa ka bata ang pagkuha sang mga gadgets.
Ini kasunod man sang pagpangransak sang apat ka mga menor-de-edad sa Public Order and Safety Management Office (POSMO) sa Peralta St., Iloilo City Proper.
Sa interview sang Bombo Radyo kay Merlyn Gison, Asst. CSWDO Officer, iya ginpahayag nga indi mahimo mapasakaan sang kaso-kriminal ang mga suspek bangud man sa ila edad.
Suno kay Gison, igapatuman sa mga ini ang Juvenile Justice kon sa diin, wala sila sang kriminal nga responsibilidad sa layi.
Ginpahayag man sini nga sa inisyal nga assessment sang talatapan sa mga ginikanan sang menor-de-edad, natumod nga may mga parents nga grantee sang Patawid Pamilyang Pilpino Program ukon 4P’s.
May yara man sang parents nga busy bangud man sa tuman nga kinahanglanon sa matag-adlaw, nga nangin rason man kon ngaa wala natutokan ang mga kabataan.
Igatugyan naman sang CSWDO ang mga menor-de-edad sa Barangay Council agud nga protektahan ang kabataan kag ipaidalum sa case conferencing.
