Nagpaathag ang Iloilo City Social Welfare and Development Office (CSWDO) kaangot sa gin-flag sang Commission on Audit (COA) nga delayed feeding program sang city government.
Sa interview sang Bombo Radyo kay Teresa Gelogo, head sang Iloilo City Social Welfare and Development Office, iya ginpahayag nga gin-turn over lang sa ila ang programa sang Department of Social Welfare and Development (DSWD) bangud nga mabudlay para sa ila ang ang P15 nga budget sa kada bata.
Suno kay Gelogo, mabudlay nga mag-market sang amo nga tikang bangud man may mga items nga ‘perishable’ ukon madasig nga madunot.
Ini man ang rason sang ahensya kon ngaa gin-turnover ini sa sa city government.
Gin-athag man sini nga ang na-disburse sang DSWD amo P7.258 million samtang ang nabilin sa kabug-usan nga P18 million ang ginhatag sa city government.
Na-release ang cheque sang Marso 2023 nga nagabalor sang masobra P10.8 million.
Ginpahayag man ni Gelogo nga madamo pa sang dokumento ang ginproseso bangud kinahanglan gid nga mag-agi ini sa accounting procedure.
Ginsaysay man sang natungdan nga bangud sa manubo nga presyo sang commodities, madamo nag-isol ukon nag-drop nga supplier, rason nga nangin madugay ang procurement.
