Suportado sang City Social Welfare and Development Office (CSWDO) ang ginaduso nga proposal sa pagpatuman sang social media ban para sa mga menor de edad nga 16 anyos panubo.
Sa interview sang Bombo Radyo kay Teresa Gelogo, head sang CSWDO Iloilo City, iya ginpahayag nga dako ang epekto sang social media sa mga kabataan ilabi na sa mga makit-an sini online.
Suno sa iya, kinahanglan sang husto nga parental guidance agud mamonitor ang paggamit sang social media sa mga kabataan.
Ginpunto man niya nga bisan may yara sang positibo nga epekto ang social media, dapat ini gamiton sa insakto kag sa responsable nga paagi.
Gindugang pa niya nga ang sobra nga paggamit sini ang mahimo makaapekto sa intellectual development sang kabataan.
Gani, Suno kay Gelogo, kun may yara na sang nasambit nga layi, dako ini nga bulig para maprotektahan ang mga kabataan sa halit nga dala sang tuman nga paggamit sang social media.
