ILOILO CITY – Magapatigayon sang culminating activity ang Iloilo City Fire Station sang Bureau of Fire Protection (BFP) kadungan sang pagtakop sang Fire Prevention Month kag selebrasyon sang International Women’s Month.
Ang aktibidad ang hiwaton sa Central Philippine University sa Marso 31.
Sa interview sang Bombo Radyo kay Fire Chief Inspector Publio Ploteña, city fire marshal, iya ginpahayag nga sa nasambit nga culminating activity, magapakita sang fire fighting capability ang all-female fire fighting team kag magapakita man sang rescue capability ang Special Rescue Force kag subong man ang Emergency Medical Services.
Suno kay Ploteña, ang culminating activity ang may katuyu-an nga malikawan sang publiko ang mga sunog kag kalamidad.
Samtang, magluwas sa culminating activity, nagapadayon ang ginahimo nga information drive sang BFP kag subong man, may mga programa agud nga malikawan ang sunog.
