ILOILO CITY – Hugot nga ginapatuman sa Brgy. Dulonan, Arevalo, Iloilo City ang curfew hours humalin 8:00 sa gab-i tubtub 5:00 sa aga.
Sa interview sang Bombo Radyo kay Barangay Kagawad Rolly Pineda, chairman sang Committee on Peace and Order, iya ginpahayag nga indi makasulod sa ila barangay ang mga pangayaw ilabi na kun gab-i.
Suno kay Pineda, ang tagsa ka pamilya ang ginahatagan sang card bilang tanda nga sila ang tumandok kag ini ang ila nga ipakita sa tion nga magguwa sa ila lugar.
Ginpahayag ni Pineda nga sa tagsa ka zona sa ila barangay, may yara sang nagabantay nga barangay official kag barangay tanod.
