Liwat na naman nga nagpanguna sa bilog nga kalibutan ang Filipino karateka champion nga si James delos Santos.
Sa exclusive interview sang Bombo Radyo Iloilo kay De Los Santos, iya ginpahayag nga pinakamaayo nga regalo nga iya nabaton subong nga Christmas amo ang pagdaog niya bilang grand winner sa E-Karate Games 2020.
Diri kag nakuha ni De Los Santo ang iya ika-36 nga gold medal matapos ginlutos si Wasmuel Wado sang Belgium.
Una na nga nakuha sang natungdan ang iya 34th gold medal matapos ginlutos si Nejc Sterniša sang Slovenia sa Katana International League.
Nakuha naman sini ang iya 35th gold medal matapos ginlutos si Alfredo Bustamante sang Amerika sa Golden League Karate E-Tournament.
Nahibaluan nga si De Los Santos ang No. 1 sa world ranking sang Virtual Kata World Rankings kag may yara na ini sang 15,710 points.
