Ikaw bala ang sahi sang tawo nga maalwan? Masarangan mo bala maghatag sang tip nga mas mahal pa sa imo ginbakal ukon gin-order nga pagkaon ukon ilimnon?
Dalayawon ang isa ka customer sa Ohio sa Estados Unidos matapos nag-order sang isa lamang ka beer apang nagbilin sang $3,000 nga tip ukon masobra P144,000.
Suno kay Brendan Ring, tag-iya sang establisimento, nag-abot ang lalaki sa ila nga restaurant antes pa man ginsirado ang negosyo bangud sa COVID-19 kag nag order sang isa ka beer.
Ginkakibot ni Ring ang iya nakita sang ginduhol sang customer ang tip kag liwat niya ini ginlantaw agud nga siguraduhon kun matuod bala ang kantidad apang wala ini nagsala bangud $3,000 gid ang tip sang lalaki.
Pahayag sang tag-iya, dako ini nga bulig para sa iya mga staff sa pagsirado sang iya nga negosyo.
