Nagmandu na si Bureau of Customs (BoC) Commissioner Rey Leonardo Guerrero nga imbestigaran ang mga personnel sang ahensya nga ginatudlo may kahilabtanan sa pag-smuggle sang agricultural products.
Magluwas sa administrative investigation, gina-pabaskog man suno kay Guerrero ang border protection efforts paagi sa enhanced intelligence kag enforcement operations kag pagpakig-angot sa Department of Agriculture (DA).
Gina-review man ang tanan nga nagasulod nga agricultural products batok sa posible paglapas sa Customs laws, rules, kag regulations.
Sa rekord sang customs, halin sang 2019, may yara sang 542 ka seizure cases nga napatigayon kun sa diin masobra sa P1.99 billion ang balor sang agricultural products.
Samtang, ginpanginwala naman ni BoC spokesman kag Assistant Commissioner Vincent Maronilla ang akusasyon nga nagpahilabot si ACT-CIS partylist Rep. Eric Go Yap, ang chairman sang House Committee on Appropriations, sa Customs officials may kaangtanan sa release sang anuman nga shipment.
Ginpanginwala man sang Customs nga naga-engage ang amo nga mamalidha sa smuggling activities.
