Nagdangat na sa P72.091-billion nga balor sang smuggled goods ang nakumpiskar sang Bureau of Customs (BOC) subong nga tuig.
Lakip diri ang P3.09-billion sang smuggled goods subong nga bulan nga ginabug-usan sang P2.3-billion nga balor sang lain-lain nga commodities, P22.3-million nga balor sang sigarilyo, kag P420-million vessel nga nagakarga sang smuggled petroleum products.
Gin-report man sang bureau ang P42.16-million nga balor sang illegal drugs nga napunggan nga mapalusot sa Ninoy Aquino International Airport (NAIA) kag ang P323-million nga balor sang smuggled nga sinako sang bugas.
Ang record halin sang Enero tubtub sang Oktubre ang mas mataas sa P43.29 billion nga na-rekord sa bilog na nga tuig 2023.
Nahibaluan nga ang Customs ang may mandato nga mag-supervise kag magkontrol sang clearance sa vessels kag aircraft nga may kaangtanan sa foreign commerce. May mandu sa amo nga talatapan nga magkolekta sang malapit P1-trillion subong nga tuig matapos nakatipon sang P883.624 billion nga revenues sang 2023.
