Nadugangan pa ang mga pungsod nga nagapamalibad nga mag-atubang sa Russia sa World Cup play-offs.
Pinakaulihi nga nagkumpirma diri amo ang Czech Republic.
Naka-schedule ang Russia nga maghampang batok sa Poland sa Marso 24 sa Moscow.
Ang magadaug sa amo nga play-offs amo ang makasumpong sang Czech Republic ukon sang Sweden sa Marso 29 agud may tyansa nga makalab-ot sa finals sa Qatar.
Antes ang Czech Republic, pareho na nga nagpahayag ang Poland kag Sweden nga indi sila maghampang batok sa Russia kasunod sang natabo nga pag-atake sini sa Ukraine.
Bangud wala sang maga-atubang sa Russia, nagataas subong ang pressure sa FIFA nga indi na pagpa-intrahon ang Russia sa World Cup 2022 sa Qatar.
Una diri, ginkumpirma man nga indi na pagpatigayunon sa Russia ang 2022 Champions League final. Sa baylo nga sa Russia, ginhalin ini sa Paris, France. ##
