Ginapanawagan sang Department of Agriculture Region 6 (DA-6) ang mga hog raiser nga magpartisipar sa vaccination program batok sa African Swine Fever (ASF) kon mangin available na ang aprubado nga bakuna para sa komersyal nga paggamit.
Sa interview sang Bombo Radyo kay DA-6 Regional Executive Director Dennis Arpia, iya ginpahayag nga ini nga ang vaccination program ang kabahin sang lihuk sang ahensya agud mapunggan ang pagpalapta sang balitian sa lokal nga industriya sang baboy.
Ginpunto niya nga ang nasambit nga problema ang nagapabudlay sa pangabuhi sang mga hog raiser kag nagaapekto sa supply sang baboy sa Pilipinas.
Ginpabug-atan man ni Arpia ang importansya sang padayon nga pagpatuman sang biosecurity measures sa mga babuyan agud malikawan ang pagsulod kag paglapta sang ASF.
Ginpahayag man niya nga ginatutukan sang DA ang pagnubo sang presyo sang live hogs kag naga-coordinate ang man ahensya sa mga local government unit kag Philippine Statistics Authority agud ma-monitor ang kadamuon sang mga baboy kag ang available nga supply sa merkado sa nagkalain-lain nga lugar.
Dugang pa niya, kun may yara sang dugang nga impormasyon sa availability sang bakuna kag implementasyon sang vaccination program, mahimo ini mangin basehan sang mas klaro nga pagpanghanda sang mga hog raiser.
