Padayon ang pagkonsulta sang Department of Agriculture (DA) sa nagkalain-lain nga rice industry groups kag mga asosasyon kaangot sa plano nga kakason ang mga label sa imported nga mga bugas sa merkado.
Suno kay Agriculture Assistant Secretary Arnel de Mesa, natabo ang ila nauna nga meeting sang Huwebes, Enero 2, agud nga madiskusyunan ang mga tikang kun paano malikawan ang manipulasyon sa presyo.
Suno pa sa ahensya, nagahilapit na ang ila pag-anunsyo kaangot sa pagkuha sang mga label nga ‘premium’ kag ‘special’ bilang brand names kag grade labels sa imported rice.
Nauna na nga ginpaathag ni Agriculture Secretary Francisco Tiu-Laurel Jr. nga ini nga labels ang ginagamit sang retailers kag traders para hungod nga maglibog ang ulo sang magabakal kag ma-justify ang ila pagpasaka sa presyo.
Nakit-an man sang DA kag sang Department of Trade and Industry (DTI) nga pila sa retailers ang nagabutang sang presyo nga P60 per kilogram sa mercado kag butangan lang sang “premium” ukon “special.” Apang sa pagkamatuod, dapat nga P50 kada kilo lang ang presyo sini.
Una naman nga ginklaro sang DA nga ini nga pagsulundan ang indi pag-ipatuman sa locally-produced rice bangud kinahanglan nga proteksyunan ang Filipino farmers kag traders.
