Nagpirma ang Department of Agriculture(DA), Department of Trade and Industry (DTI), kag National Irrigation Administration (NIA) sang memorandum of understanding (MOU) para masigurado ang tayuyon kag bastante nga suplay sang bugas.
Sa statement sang DA, ginpahayag nga target sang memorandum nga maghimo sang alternatibo nga market para sa bugas kun sa diin pareho nga maka-benepisyo ang mangunguma kag ang consumers.
Iga-promote man sini ang Integrated Rice Supply Chain Development Program kag i-develop ang business-to-business online market platform.
Dugang pa diri, magahatag ini sang alternative market access sa nagabakal kag nagabaligya, paayuhon ang income sang mga mangunguma, i-promote ang husto nga rice branding kag classification, kag himuon nga kasarangan ang presyo sang bugas para sa consumers.
Nagapati man si Agriculture Secretary Francisco Tiu Laurel Jr. nga ang kooperasyon sa produksyon, klasipikasyon, marketing, kag pag-distribute sang domestic rice ang makapasaka pa sang status sang agricultural products sang pungsod sa global stage.#
(Department of Agriculture)
