Nagapati ang Department of Agriculture Western Visayas nga importante nga nakahibalo kag makatuon ang mga mangunguma sang bag-o nga agricultural techniques, subong nga ginaekspektar ang possible nga epekto sang El Niño sa pungsod.
Suno kay Dennis Arpia,Regional Executive Director sang DA-6, amat-amat na nga mabatyagan ang halit nga dala sang El Niño kun sa diin maapektuhan gid ang water availability nga importante gid sa mga agricultural products.
Pahayag niya, may ara sang mga farming practices nga dapat na nga adaptarun sang mga mangunguma kaangay sang panibag-o nga teknolohiya, bag-o nga mga tikang agud malikawan ang kapyerdihan kag makarekober gikan sa epekto sang ano man nga kalamidad.
Nagpasalig man si Arpia nga padayun nga nagahatag sang bulig kag interventions sa mga mangunguma kag manugpangisda ang Department of Agriculture, subong nga ginpapreparahan man ang ‘Super El Niño.’
