ILOILO CITY – Gin-apinan sang Department of Agriculture (DA) si Sen. Cynthia Villar matapos nga gin-ulan sang kritisismo kasunod sang suhestyon sini nga dumilian ang unlimited rice sa mga kalan-an.
Sa interview sang Bombo Radyo Iloilo, ginpahayag ni Miriam Layawin, senior science research specialist sang Department of Agriculture, na-misquote lang ang senador.
Suno kay Layawin, gusto lang ipalab-ot ni Villar nga ang sobra nga pagkaon sang kan-on ang may malain nga epekto sa lawas.
Dugang pa ni Layawin nga indi intensyon sang senador nga i-ban ang unlimited rice bangud pagusto naman ang mga tawo nga magkaon sang kan-on kun gustuhon sang mga ini.
Apang ginphanumdom sang DA nga dapat likawan ang pagkaon sang sobra-sobra nga kan-on.
Apisar nga may nagakaigo nga supply sang bugas sa Pilipinas, dapat gihapon likawan ang rice wastage.
Makapaayo suno kay Layawin kun himuon nga alternatibo sa kan-on ang iban nga pagkaon nga madamo man sang carbohydrates.