Aprubado na sang gobyerno sang Pilipinas ang pag-import sang linibo ka metriko tonelada sang red and white onions para nga mapabilin nga estable ang presyo sini sa mga mercado.
Suno kay Agriculture Secretary Francisco Tiu Laurel Jr., ginalauman nga magaabot sa pungsod ang imports sa masunod nga duha ka semana.
Panigurado ini suno sa tiglikom nga bastante ang buffer stocks sang pungsod samtang ginahulat ang fresh harvest.
“This importation of 3,000 metric tons of red onions and 1,000 metric tons of white onions is intended to ensure we have sufficient buffer stocks while we await the fresh harvest,” suno kay Tiu Laurel. “We will not risk a potential shortage that unscrupulous traders could exploit to drive up prices, as we saw in the past. We do not want a repeat of the 2022 crisis,” dugang sini.
Kun matandaan, sang 2022, nagsaka ang presyo sang bombay sa P700 kada kilo bangud sa kakulangan sang suplay nga ginpahayag nga ginpalala pa sang atrasado nga imports.
Base sa data sang Bureau of Plant Industry (BPI), ang monthly consumption sa Pilipinas ang yara sa 17,000 metric tons para sa red onions kag 4,000 metric tons naman para sa puti nga sibuyas.
