ILOILO CITY – Ginaduso sang Department of Agriculture (DA) ang digitalization sa mga ports kag sea ports sa pungsod agud nga masigurado nga wala sang may makasulod nga smuggled products.
Sa innterview sang Bombo Radyo kay DA Asst. Secretary Noel Reyes, iya ginpahayag nga dapat may yara sang notebook ang Bureau of Customs (BOC) nga magalista sang tanan nga naga-abot sa mga ports.
Bangud sini suno kay Reyes, mangin real time ang data, may yara sang manifesto kag may declaration.
Kung madumduman, nahibaluan nga sa hearing sang Committee of the Whole sa senado, natukiban ang minilyon nga kapyerdehan sang mga local farmers sa tagsa ka adlaw bangud sa lapnagon nga smuggling sang agricultural products nagikan sa China.
