Ginpabaskog pa sang Department of Agriculture ang pagbantay kag pag-monitor sa mga proyekto sa farm-to-market road.
Ini agud mangin sigurado ang transparency, kalidad kag matuod nga pagpatuman sang proyekto para mabuligan ang mga mangunguma kag mga mangingisda.
Nahibaluan nga halin sang tuig 2021 tubtob 2025, may ara sang masobra 4,000 ka mga proyekto nga nagabalor sang P76.52 bilyon, kag 3,135 na diri ang natapos na.
Samtang, para sa tuig 2026, naghatag ang gobyerno sang P33 bilyon nga pondo agud matukod ang masobra sa 2,300 ka kilometro sang farm-to-market roads nga magabulig sa pagpanubo sang production costs kag pabaskugon ang rural development.
