Ginpasiguro sang Department of Agriculture (DA) nga magapadayon ang pagnubo sang presyo sang bugas tubtob sa tuig 2026.
Suno kay Agriculture Assistant Secretary Arnel de Mesa, apisar pa nga may pagtaas sa presyo sang mga ulutanon, isda, kag karne, padayon naman nga naganubo ang presyo sang bugas.
Ini ang resulta sang pagnubo man sang presyo sa international market.
Pahayag pa ni De Mesa nga ini ang epekto sang mataas nga rice production sa pila ka mga pungsod, partikular na sa India kag Vietnam.
Dugang pa niya, makita na ang epekto sang temporary rice importation ban nga ginpatuman sang gobyerno.
Ginsiguro man sang opisyal nga indi gid tuman nga maapektuhan ang farm gate price sang humay sang lokal nga mga mangunguma bangud sang mga gina-implementar nga polisa.
