Ginpasiguro sang Department of Agriculture (DA) nga magapadayon nga enough ang suplay sang baboy para sa paskwa apisar nga nagpatuman ini sang temporary ban sa pag-import sang mga produkto nga baboy halin sa Spain.
Ini matapos ginkumpirmar ang kaso sang African Swine Fever (ASF) sa amo nga pungsod.
Suno kay Agriculture Secretary Francisco P. Tiu Laurel Jr., indi magtuga sang pagtaas sang presyo ukon kakulangan sa mercado ang ginpatuman nga import freeze sa live pigs, pork meat, pork skin, kag mangin sa semen para sa artificial insemination.
Ang ban sa pork products gikan sa Spain ang kasunod sang report sang Nobyembre 28 sang Spanish veterinary authorities sa World Organization for Animal Health, kun sa diin ginkumpirmar ang mga kaso sang ASF sa mga wild pig sa Sabadel, Valles Occidental sa Barcelona.
Suno kay Laurel, kinahanglan ang moratorium agud malikawan ang pagpasulod sang ASF virus kag maprotektahan ang ikaayong laws sang local nga mga baboy, amo man ang seguridad sa pagkaon.
Dugang pa niya ang tanan nga sanitary kag phytosanitary permits para sa hog imports halin Spain automatic nga ginbawi.
