Ginaplanuhan sang Department of Agriculture nga dugangan pa sang 60 ka adlaw ang pagpatuman sang P50 kada kilo nga price cap sa imported rice.
Kasunod ini sa pag-expire sang amo nga implementasyon sang nagligad nga bulan sang Hunyo.
Ini agud maprotektahan ang mga konsumidor batok sa posible gulpi nga pagsaka sang presyo sang bugas.
Suno kay Agriculture Secretary Francisco Tiu Laurel, kinahanglan ang dugang nga duha ka bulan nga pagpatuman sang price cap bangud wala pa sang nagakaigo nga lokal nga ani sang palay sa subong.
Natapos sang Hunyo 13, 2026 ang nauna nga 30 ka adlaw nga price cap sa 5% broken imported rice bangud wala ini gilayon nga ginpalawig sang gobyerno.
Una nga ginpatuman ang polisa paagi sa Executive Order No. 118 nga ginpirmahan ni President Ferdinand Marcos Jr. sang Mayo 13, 2026 agud mapunggan ang wala sang basehan nga pagsaka sang presyo sang bugas.
Ginalauman sang DA nga magsugod ang nagapanguna nga ani sang lokal nga palay sa Agosto kag Setyembre, nga magadugang sa suplay sang bugas sa merkado.
Ginalauman man sang DA nga ang panibag-o nga 60 ka adlaw nga price cap ang mangin proteksyon sang mga konsumidor tubtob nga mag-abot ang mas madamo nga lokal nga ani.
