Untaton anay sang Department of Agriculture (DA) ang pagpatuman sang maximum suggested retail price (SRP) sa karne sang baboy.
Ini bangud bisan Marso pa ginpatuman ang MSRP, nagapalangkalakaak sa gihapon ang presyo sini sa mga mercado kag nagalaoy sa gihapon ang mga bumalakal ilabi na sa Metro Manila.
Suno kay Agriculture Undersecretary for livestock Constante Palabrica, ipaiway anay ang implementasyon sini gani nga lauman man sang publiko nga may revision nga iga-anunsyo ang DA.
Nahibaluan nga as of May 2, manubo sa singko porsyento ang compliance ukon ang pagsunod sang mga retailer sa max SRP. Nagsarurot ini halin sa Abril 1 nga compliance santo sa monitoring sang Agribusiness and Marketing Assistance Service.
Marso 10 sang ginpatuman ang max SRP kun sa diin ang pork shoulder ang yara sa P350 per kilo, samtang ang pork belly naman ang nagalab-ot sa P380.
Ginpasigurado man sang natungdan nga bastante ang pork supplies apisar sang resulta sang African swine fever outbreaks sa local supply. Nagapanawagan ang ahensya sa producers, traders kag retailers nga magbulig sa pag-solbar sa mataas nga retail price sang karne sang baboy.
