Ginlunsyar sang Department of Agriculture (DA) kag National Dairy Authority (NDA) ang P59 million nga General Tinio Stock Farm.
Ini isa sa mga nagapanguna nga pasilidad para sa pagpasanyog sang dairy sector nga nagatuyo nga padakuon ang numero sang mga baka, pataason ang local nga produksyon sang gatas, kag pasanyugon ang palangabuhian sang mga Filipino dairy farmers.
Suno sa DA, magaserbe nga breeding, development, kag acclimatization hub ang stock farm sa Nueva Ecija para sa mga imported nga dairy animals.
Ginpahayag man ni Agriculture Secretary Francisco P. Tiu Laurel Jr. nga direkta nga ginatarget sang pasilidad ang isa sa pinakadako nga bottlenecks sang dairy sector nga ginalakipan sang kakulangan sa produktibo nga dairy animals.
Dugang pa niya, ang General Tinio facility isa ka modelo nga luyag sang DA kag NDA nga ipatuman sa iban pa nga bahin sang pungsod agud mapasanyog ang industriya sang mga gatas sa Pilipinas.
