Nagpasalig ang Department of Agriculture nga tinguhaon nga zero to minimal ang matabo nga usik sa agricultural commodities sa pungsod.
Suno sa ahensya, magapakig-angot ini sa hotels, restaurants, kag iban pa nga institutional buyers agud nga may makabakal sang sobra nga mga produkto.
Sabat ini sang agriculture department matapos nakit-an sang publiko ang 500 ka kilo sang kamatis nga ginpanghaboy na lamang sa Nueva Vizcaya.
Una na nga gin-athag sang ahensya nga wala sang oversupply sa kamatis, apang magagmay ini kag dunot na rason nga wala na sang nagabakal rason nga gin-ula na lang sa higad sang dalan.
Agud indi na maliwat, nagpasalig ang ahensya nga pauswagon pa ang food mobilization strategy ukon ang distribution sang delivery trucks kag vegetable crates sa farmers’ cooperatives and associations (FCAs) kag sa mga kabanwahanan.
