Magapatigayon ang Department of Agriculture (DA) sang emergency procurement sang bakuna batok sa African swine fever (ASF) kasunod sang reports sang outbreak sa pila ka lugar sa probinsya sang Batangas.
Suno kay Agriculture Assistant Secretary Dante Palabrica, at least 10,000 doses sang ASF vaccines ang kinahanglan para sa emergency response.
Ginsaad sang DA nga ang emergency procurement ang mahimo makapanubo sang purchase period ukon kalawigon sang pagbakal sang mga duha gid ka semana.
Pahayag pa ni Agriculture Secretary Francisco Tiu Laurel Jr., mahimo makadeklarar ang ini nga local government units sang state of emergency para insigida nga makahulag ang DA agud ma-address ang sitwasyon.
May igahatag man nga industrial lime sa hog raisers sa amo nga area agud nga i-treat ang mga lugar kun sa diin ginlubong ang apektado nga mga baboy.
Istriktuhon man ang chekpoints para malikawan ang paglapta sini nga balatian.
