Magahimo sang inspeksyon ang Bureau of Plant Industry (BPI) sa onion warehouses sa bilog nga pungsod subong nga semana bangud sa ginasuspetsahan nga hoarding kag price manipulation sini nga peak harvest season.
Suno sa Department of Agriculture (DA), ginmanduan sini ang BPI nga bisitahon kag lantawon ang onion cold storage facilities para mahibaluan kun ginatago didto ang bag-o na-harvest nga mga bombay sa baylo nga ibaligya.
Pahayag pa ni Agriculture Secretary Francisco Tiu Laurel Jr., kun mahibaluan sang DA nga ginapangtago ang bombay sa warehouses, nagapatimaan ini sang hoarding kag pat-od nga magasaka na naman ang presyo bangud ipaguwa nila nga kulang ang mga suplay.
“If they are, that’s wrong. Onions are typically stored toward the middle or end of the harvest season, not at the start. This clearly points to price manipulation — it’s hoarding,” suno sa iya.
Ginalauman nga matapos ang inspeksyon sa sulod sang apat tubtub pito ka adlaw.
As of February 20, base sa monitoring sang DA, ang local red onions sa Metro Manila markets ang nagatupa sa P140 tubtub sa P240 per kilogram, samtang ang local white onions naman ang yara sa P90 tubtub sa P150 per kilogram.
Sa pihak nga bahin, ang imported white onions ginabaligya sa presyo nga P100 tubtub sa P160 per kilogram.
