Umpisahan sang gobyerno subong nga tuig ang pagtukod sang 99 cold storage facilities para nga mapalawig ang shelf life sang mga produkto — ukon malikawan nga madunot gilayon — kag mapabilin man nga estable ang suplay kag ang presyo.
Suno sa Department of Agriculture (DA), kabahin ini sang P3-billion project sang ahensya.
Ini nga mga pasilidad ang may manubo nga operating costs suno sa department kag pagagamitan sang renewable energy sources kag sang power grid.
Dugang pa sang ahensya, ginalauman nga mangin operational naman subong nga 2025 ang kadam-an sa magagmay nga cold storage facilities ukon modular chillers. Madugayan naman ukon ginabanta 18-22 ka bulan ang pagtukod sa larger facilities nga sarang makatago sang 2,800 to 3,500 pallet positions.
May plano man nga tukuron sa Camarines Sur, Oriental Mindoro, kag Nueva Ecija.
Ang magadumala sini nga mega-cold storage facilities amo ang DA kaupod sa local government units kag farmers’ cooperatives and associations.
Nahibaluan nga ang kakulangan sa cold storage facilities ang isa man sa nangin rason kun ngaa madasig mapierde ang mga produkto kag nagresulta pa gid sa pagpanglakaak sa presyo kaangay sa natabo anay sa bombay.
