ILOILO CITY – Nanagtag sang libre nga bakuna sa mga ido ang Department of Agriculture may kaangtanan sa pagdumdom sang ahensiya sang Rabies Awareness Month subong nga Marso.
Sa aktibidad nga ginpatigayon sa City Times Square, may libre nga kapon kag ligate sa mga ido, libre nga konsultasyon para sa mga ido kag lectures angot sa rabies.
Nagpasundayag man ang mga ido sa ginpatigayon nga dog fashion show.
Sa interview sang Bombo Radyo, ginpahayag ni Dr. Pacifico Lumawag sang Department of Agriculture Region 6, kada tuig may ginapa-in ang Bureau of Animal Industry para sa bakuna sa mga ido.
Sa karon suno kay Dr. Lumawag, nagalab-ot na sa masobra 491,000 ang populasyon sang ido sa Western Visayas.