Nag-alokar sang indi magkulang sa P300 million ang Department of Agriculture para sa tuig 2026 para palaparon ang climate-resilient farming sang mga high-value nga mga ulutanon kaangay sang kamatis, katumbal kag bell pepper.
Suno kay Agriculture Secretary Francisco Tiu Laurel Jr. nga ang pondo gin-alokar sa mga basic greenhouse, drip irrigation, kag water-impounding systems agud siguraduhon ang insakto nga pag-dumala sang mga pananom kag mabuhinan ang halit nga dala sang pabag-o bag-o nga tyempo.
Dugang pa ni Laurel ang katuyuan sang amo nga inisyatiba amo nga punggan ang liwat liwat nga pagtaas sang presyo sa ga balaklon bangud sa dala sang weather related nga pagaka-delay sang sa suplay.
Ini bangud kada tuig nagaka-eksperyensya sang tuman nga price swings ang mga high value nga mga utanon bangud sa mainit nga tyempo, mabaskog nga pag-ulan kag pagabaha nga nagaguba sa produksyon.
Sa idalom sang inisyatiba nga “White Revolution,” magabutang man ang DA sang mga rain shelter kag mas simple nga greenhouse structures para maproteksyunan batok sa mabaskog nga pag-ulan kag mabuhinan ang mga pagbaha kag halit sang peste sa mga panananom sang mga mangunguma.
