Nagaplano ang Department of Agriculture (DA) nga i-authorize ang importation sang dugang nga 8,000 metric tons sang small pelagic fish, nga target nga ma-deliver sa Disyembre.
Suno kay DA Assistant Secretary kag spokesperson Arnel de Mesa ang plano sang importation sang isda — nga nalakipan sang round scad ukon galunggong, mackerel, moon fish, kag bonito— ang may tuyo nga mapasigurado nga wala sang sudden spikes sa presyo sang isda apisar sang sunod-sunod nga pagsalakay sang bagyo samtang nagapadayon ang closed fishing season.
Nagpasalig man ang talatapan nga ang desisyon sa plano nga importation ang iga-anunsyo sa masunod nga semana.
Nahibaluan nga ang plano nga pag-import sang 8,000 MT sang galunggong, mackerel, moon fish, kag bonito ang yara sa ibabaw sang 30,000 MT sang imported fish nga gin-aprubahan sang DA sang nagligad nga Oktubre.
