Pananglitan magpadayon pa sa pagsaka ang presyo sang bombay sa merkado, mapilitan ang Department of Agriculture (DA) nga mag-import bilang band-aid solution.
Suno ini kay Agriculture deputy spokesperson Rex Estoperez kadungan sang pahayag nga out of control na ang pagsaka sa presyo sini nga produkto sa pampubliko nga mga merkado.
Suno pa sa opisyal, nalikawan kuntani ini kun nahugtan ang mga lihok batok sa smuggling sang agricultural products amo man ang importasyon sang commodities sa tion sang harvest season.
Ginpahayag ni Estoperez nga base sa pahayag sang onion farmers ukon suppliers, ang farm gate price sini ang yara lang sa P300 tubtub P350 kada kilo, apang nagasaka sa P500 kun ibaligya sa merkado.
Apang pahayag pa sang natungdan, mangin mahalungon man ang Department of Agriulture sa plano nga importasyon sang bombay agud mabalanse man ang demands sa farmers kag consumers.
Dugang pa ni Estoperez, base sa estimate sang Bureau of Plant and Industry, ang upcoming harvest season sang local onions sini nga bulan ang posible makatipon sang 19,000 metric tons sabg amo nga produkto. ##
