ILOILO CITY – Nagpanawagan ang Department of Agriculture (DA) sa mga rice traders nga indi pagpanubu-an ang presyo sang isa ka kilo nga palay sa P19.00.
Sa interview sang Bombo Radyo kay DA Assistant Secretary Noel Reyes, iya ginpahayag nga padayon ang suporta nga ginahatag sang ahensya sa mga mangunguma.
Ginaduso sang ahensya nga mas padamuon pa ang paghatag sang mechanical dryers para sa mga mangunguma.
Dugang pa ni Reyes, dako ang mabulig sang mga provincial local governments ilabi na ang mga top 20 rice producing provinces.
Ang mga top rice producing provinces ang mahimo nga mag-invest sa rice production kag mahimo nga mag-avail sang loan sa bangko nga may manubo lang nga interest.
Mahimo man nga ibaligya sang mga ini ang ila nga ani ukon himuon sang LGU nga ayuda para sa pumuluyo.
