Nahatag na sang Department of Agriculture ang P8.5 billion nga balor sang nagkalain-lain nga mga interventions bilang bulig sa mga mangunguma kag manugpangisda nga naapektuhan sang bagyo.
Suno kay Department of Agriculture Undersecretary for Operations Ariel Cayanan, ang mga interventions ang ginalakipan sang quality seeds sang inbred kag hybrid rice, maisa kag mga utan; cassava seed; fertilizers; farm machinery kag equipment; mga manok, pato, kanding kag baboy; animal feeds, veterinary drugs and biologics; fingerlings, fiberglass fishing boats; kag post harvest equipment.
Sa P8.5 billion assistance, nakabaton sang P2.34 billion ang Cagayan Valley kag P1.07 billion naman sa Bicol nga para sa mga mangunguma kag manugpangisda.
Samtang yari naman ang iban nga mga lugar nga nakabaton sang bulig gikan sa Department of Agriculture:
Cordillera Administrative Region – P382 million
Region 1 (Ilocos) – P313.8 million
Region 3 (Central Luzon) – P281.5 million
Region 4A (CALABARZON) – P736 million
Region 4B (MIMAROPA) – P914 million
