Suportado sang Department of Agriculture (DA) ang tikang ni House Speaker Martin Romualdez ang amyendaran ang Rice Tariffication Law (RTL) agud pahanugutan ang National Food Authority (NFA) nga magbaligya sang bugas sa mga mercado.
Suno kay DA Assistant Secretary and spokesman Arnel de Mesa, importante nga nga may intervention kun tuman ka taas ang retail price sang bugas.
Ginpaathag man sini nga sa idalom sang Section 10 sang Price Act, ang DA ang dapat nga magpatunga agud nga ma-address ang mataas nga retail prices sang agricultural products.
Matandaan nga ginpahayag ini ni Romualdez matapos ang una nga hearing sa mga ginaduso nga hagna agud nga amyendaran ang RTL antes isalang sa House committee on agriculture and food.
Ini nga layi amo ang nagatugot sa mga estudyante nga mag-import sang bugas sa tuyo nga mapanubo ang presyo sang bugas kun madamo na ang suplay sa merkado bagay nga wala man natabo bangud mataas man gihapon ang presyo sang nagapanguna nga mga produkto sa Pilipinas.
Lakip sa probisyon sang RTL ang pagdumili sa NFA nga magbakal sang imported rice kag ibaligya ini sa merkado nga amo anay ang ginahimo sini.
Sa baylo, sa idalom sang RTL, ginasugo ang NFA nga sa local nga mga mangunguma magbakal sang bugas kag ibutang sa storage para masiguro nga indi pagkulangon ang suplay sa Pilipinas ilabi na sa tion sang kalamidad.
Nahibaluan nga base sa ulihi nga government data, ang mataas nga presyo sang bugas ang rason kun ngaa nagsaka man ang inflation rate sa pungsod.
Lakip man sa ginatun-an sang DA subong suno kay De Mesa amo ang posibilidad sang pagpatuman sang labeling sang bugas sa commercial outles ukon himuon nga mandatory sa mga retailers ang pag-inform sa mga consumers kun ang bugas ang imported ukon locally produced.
Base sa latest data sang Philippine Statistics Authority, ang total rice stocks sa first quarter sang 2024 ang nagnubo sang 100,000 metric tons halin sa 4.78 million MT sang 2023 pakadto sa 4.68 million MT sa amo man nga period sang 2024.#
