Ginakonsiderar sang Department of Agriculture (DA) ang rekomendasyon nga palawigon pa ang suspensyon sang pag-import sang bugas.
Suno kay Agriculture Secretary Francisco Tiu Laurel Jr., nagapadayon pa ang validation sang data, apang base sa iya ginatan-aw subong, posible nga irekomendar ang 15 tubtub 30 ka adlaw nga extension sang importation ban.
Sa iya nakit-an, nagsaka na ang farm-gate prices sang palay sa nagligad nga sinemana partikular sa mga lugar sa Mindanao amo man sa Isabela kag Nueva Ecija.
Pahayag sang tiglikom, sa katapusan sang Septyembre, igapasa na sang ahensya ang rekomendasyon sini kun i-extend ukon panubuon ang import moratorium.
Matandaan nga nag-umpisa ang pagdumili sa rice importation sang Septyembre 1 kasunod sa mandu ni President Bongbong Marcos agud nga maprotektahan ang local farmers sa tunga sang huol nga tuga sang tuman ka nubo nga presyo sang palay subong nga harvest season.#
