ILOILO CITY – Nagdepensa si Agriculture Secretary Emmanuel Pinol sa indi gilayon pag-aksyon sang Department of Agriculture batok sa cartel sang ahos kag bombay.
Ini matapos magisa kahapon sa hearing sang Senate Committee on Agriculture and Food bangud sa ginapahayag indi pag-aksyon sang DA kag sang Department of Justice batok sa cartel nga nagamanipula sang presyo sang ahos.
Sa interview sang Bombo Radyo Iloilo, ginpahayag ni Pinol nga wala ini sang may ginauyatan nga listahan sang mga may kaangtanan sa cartel.
Indi basta-basta makahimo sang tikang suno sa tiglikom, nga wala sang mabaskog nga ebidensiya.
Apang kahapon nga ginhatag na sa iya ni Sen. Cynthia Villar ang listahan sang mga involve sa cartel, ginpahayag ni Pinol nga gilayon ini aksyunan.
Ginpanindugan sang tiglikom nga ang problema sa cartel ang ginhimo sang nakaligad nga administrasyon ilabi na sang tiyempo ni anay Agriculture Sec. Proceso Alcala.