Natalana nga suguran sang Department of Agriculture (DA) ang ₱1-billion swine repopulation program bilang kabahin sang nagapadayon nga pagtinguha agud ma- restore ang hog population sang pungsod sa pre-African Swine Fever (ASF) levels.
Suno kay Agriculture Undersecretary for Livestock Dante Palabrica, aprubado ni Agriculture Secretary Francisco Tiu Laurel ang programa nga may plano nga mag- distribute sang kapin 30,000 ka mga baboy nga himuon nga nayon sa mga dalagko nga farms sa bilog nga pungsod.
Suno sa ahensya, ini nga mga farms ang magabayad sa gobyerno paagi sa pag-provide sang baboy nga ipanagtag sa backyard farmers.
Ang programa ang isa sa longer-term solutions sang ahensya agud pasanyugon liwat ang national hog inventory sa 14 million heads ukon swine population antes first outbreak sang ASF sang 2019.
Ang hog inventory sa pungsod subong ang yara sa ginabanta walo ka milyon.
Una naman nga ginhangkat ni Laurel ang swine industry agud mag-produce sang additional two million hogs umpisa sa 2026 agud makabalik sa pre-ASF population sa 2028.
