Padayunon sang Department of Agriculture (DA) ang pagbuhin sa maximum suggested retail price (MSRP) para sa imported rice tubtub nga makalab-ot ini sa target nga P49 per kilo sa Marso.
Suno kay Agriculture Secretary Tiu Laurel, amat-amat ini nga himuon — P55/kg sa Pebrero 5, P52/kg sa Pebrero 15, P50/kg sa Marso 1, tubtub nga malab-ot ang P49/kg nga amo ang target.
Sang Enero 20 sang gin-umpisahan sang DA ang MSRP nga P58 per kilo para sa imported rice sa mga merkado sa Metro Manila.
Ginpahayag sang DA nga kasunod ini sang pagnubo sang presyo sa international market kag pagbuhin man sang taripa halin sa 35% pa-us-os sa 15% umpisa sang Hulyo 2024.
Nahibaluan nga sa subong, ginahulat man sa gihapon sang DA ang resolution sang National Price Coordinating Council (NPCC) nga amo ang pormal nga maga-rekomendar sa ahensya nga magdeklarar sang food security emergency para sa bugas.
Ang food emergency declaration amo ang magatugot sa National Food Authority (NFA) nga magpaguwa sang buffer stock sang bugas agud nga ma-stabilize ang presyo.
